ئــەفـلاتــوون

دووەمین فەیلەسووف لە سێ فەیلەسووفی ناوداری یۆنانی ،
خاوەن پەرتوکی بەناوبانگی ( کۆمار ) ، قوتابی سوقرات و دامەزرێنەری قوتابخانەی ئەکادیمیا.
لە نێوان ساڵانی ( 427 - 347 ) پێش زایینی ، ژیاوە .

هەندێک لە ووتە  جوانەکانی :

* جوانیی مرۆڤ سێ شتە ، ( زانست ، دلۆڤانیی ، ئازادی ) .

* بەهێزترین کەس ، کەسێکە بەسەر توڕەیـیـدا زاڵ بێت .

* هه‌ر که‌س به‌ شوێن چاکه‌ و به‌خته‌وەریی که‌سانی ترەوە بێت ، سه‌رئه‌نجام بۆ خۆی به‌خته‌وەر دەبێت .

* عه‌شق و ئه‌وینداری تاکه‌ نه‌خۆشییه‌ ، که‌ نه‌خۆش چێژی لێ وەردەگرێت .

* نزیکایه‌تی و هاوڕێیه‌تی که‌سێک مه‌که‌  که‌ نه‌توانێت نهێنیی ژیانی خۆی بپارێزێت .

* که‌سی نه‌زان بۆ فێربونی زانست هه‌وڵ نادات ، چونکه‌ پێی وایه‌ زانایه‌ ، ئه‌مه‌ش هۆی چارەڕەشیی و بێ به‌ختیی نه‌زانه‌کانه‌ .

* بنه‌مایه‌ک هه‌یه‌ سه‌رۆکایه‌تی مرۆڤ دەکات بۆ گه‌یشتن به‌ ژیانێکی به‌هادار و به‌خته‌وەر ، نه‌ که‌س وکار و خزمان دەتوانن به‌ تۆی ببه‌خشن . وە نه‌ له‌ ڕێگه‌ی سه‌روەت و سامان و پله‌وپایه‌وە دەستت دەکه‌وێت ، به‌ڵکو ته‌نیا ئه‌وین ئه‌و بنه‌مایه‌ت بۆ دروست دەکات.

* زاناکان دەدوێن چونکه‌ شتێکیان بۆ ووتن پێیه‌ ، نه‌زانه‌کان دەدوێن چونکه‌ دەبێت شتێک بڵێن .

* پیاو به‌ کردار بناسن نه‌ک به‌ به‌ڵێنه‌کانی .

* نه‌مامێکی خۆڕسک که‌ گه‌ورە بوو و هیچ که‌س خۆی پێوە خه‌ریک نه‌کرد ، قه‌رزداری که‌س نیه‌ .

* هه‌ر بۆچونێک پشتی به‌ زانست نه‌به‌ستبێت ، هیچ به‌هایه‌کی نیه‌ و بۆچونێکی کوێرانه‌یه‌ .